FUNDACIÓN SOCINFO-K ETA SOCIEDAD DE LA INFORMACIÓN ALDIZKARIAK SEPE SARITU DUTE AURREZ ESKATUTAKO HITZORDUA SISTEMAGATIK

2014ko apirilaren 01

SOCINFO Saria 2014

"IKTak Enplegu Zerbitzu Publikoetan" izeneko mintegia izan zen joan den apirilaren 1ean, Fundación Socinfo-k eta "Sociedad de la Información" aldizkariak antolatuta eta Oracle-k babestua. Bertan, Enplegu Zerbitzu Publikoak egindako hainbat proiektu landu ziren, bai eskaintza eta eskaeraren bitartekotza-lanei, orientazioari eta langilearen prestakuntzari buruzkoak, bai enpresa enplegu-emaileek izan ditzaketen soluzio funtzional berriei buruzkoak ere, besteak beste, lanpostuak betetzeko, helburu den jendea sailkatzeko, lurraldea kudeatzeko, zerbitzuen zorroa egiteko, jarduerak planifikatzeko eta haien segimendua egiteko, sortutako eskaintza berriak aztertzeko eta aurreikusteko eta mugikortasun-soluzioak emateko. Hori guztia informazio- eta komunikazio-teknologiak funtsezko tresna gisa aintzatetsiz.

Mintegian administrazio publiko guztietako Enplegu Zerbitzu Publikoek hartu zuten parte, estatu-mailakoek bai autonomikoek eta tokian tokikoek, eta ildo horretan hainbat esperientzia azaldu zituzten. Estatuko Enplegu Zerbitzu Publikoak, Santiago Graña jauna ordezkari, Aurrez Eskatutako Hitzordua sistema aurkeztu zuen.

Ekitaldiaren amaieran "2014ko Enplegu Zerbitzu Publikoetako IKTak" sariak banatu ziren, eta Socinfo-k antolatutako aurreko mintegietan parte hartu zuten Enplegu/Lana eremuari lotutako 40 erakunde publiko txostengile izan ziren epaimahai.

SEPEren Aurrez Eskatutako Hitzordua proiektuak lehenengo saria lortu zuen Accésit kategorian, bai arreta eman zitzaien herritar-kopuruagatik (16 milioi hitzordu urtean), bai kudeatzen dituen prestazioen garrantzi sozialagatik.

Saria Santiago Graña Domínguez jaunak, Informazio eta Komunikazio Teknologien zuzendariorde nagusiak, jaso zuen. Berarekin batera izan ziren, baita ere, Rocío Rodríguez Temiño, Informazio eta Komunikazio Teknologien zuzendariorde nagusiaren laguntzailea, eta Amelia García Pérez, Antolakuntzaren Kontseilari Teknikoa.