EUROPAKO BATZORDEAK "BEST SOCIAL MEDIA 2015" SARIA EMAN DIO EURES-ESPAÑA ERAKUNDEARI

2015eko apirilaren 23a

2015eko "Best Social Media" saria

Europako Batzordeak "Best Social Media" saria eman dio EURES-España erakundeari gizarte-sareen erabilera onena egiteagatik, "Eures Communication Excellence awards 2015" sarien barruan. Sariok EURES sareko ekimenik onenak saritu nahi dituzte, herritarrekin dagoen harremanari dagokionez.

EURES-España erakundeak gizarte-sareen inguruan duen eginkizunak marka hautsi du, bai erabiltzaile kopuruari bai lortutako argitalpenei eta parte-hartzeari dagokienez. Hori guztia herritarrengana gerturatzeko estrategia europarraren barruan kokatzen da. Helburua zera da: Europako lanbide-mugikortasuna bultzatzera bideratutako EURES zerbitzuen berri modu eraginkorragoan ematea.

EURES (EURopean Employment Services) enplegu lankidetzarako sare bat da, baita langileen mugikortasun askerako ere. Eta hori da hain zuzen ere Europar Batasunaren printzipio nagusietako bat. Helburutzat du langileei, enpresariei eta, oro har, pertsonen joan-etorri askearen printzipioaren onuradun izan nahi duen edozein herritarri zerbitzua ematea, enplegu-eskaintza eta -eskariari buruzko, lan-merkatuaren egoera eta garapenari buruzko eta herrialde bakoitzeko bizi- eta lan-baldintzei buruzko informazioa eta aholkua emateko.

EURESek Europako Batzordea eta Europako Esparru Ekonomikoko herrialdeetako (EBko estatu kideak, eta Islandia, Norvegia eta Liechtestein) eta Suitzako enplegurako zerbitzu publikoak eta bestelako erakundeak harremanetan jartzen ditu. Sareak mugaz haraindiko zenbait elkarte, langileen elkarteak, ugazaberiak, unibertsitateak eta bestelako tokiko erakunde batzuk ere biltzen ditu, guztiak enpleguarekin zerikusia duten gaietan interesa dutela.

EURES-Españari buruzko informazio guztia eskuragarri duzu SEPEren webgunean, Facebook-en eta Twitter-en.