FUNDETEC FUNDAZIOAK SEPE SARITU DU BERE LORTU LANA ATARIAGATIK

2015eko martxoaren 05a

FUNDETEC 2014 Saria

2015eko martxoaren 5ean, urtero banatzen diren Enpresen eta Gizartearen Garapen Infoteknologikorako Fundazioaren (FUNDETEC) sariak entregatu ziren. Sariok eredugarriak dira Informazio Gizartearen arloan. Sari hauen bidez, herritarren eta enpresen artean Informazioaren eta Komunikazioaren Teknologien (IKT) erabilera sustatzen duten erakundeek egiten duten lana aintzatesten da, baita ETEen eta autonomoen lehiakortasuna eta hiri adimendunetako zerbitzuen hobekuntza ere.

Hamargarren edizio honetan, ‘Erakunde Publiko baten Herritarrentzako 2014ko Proiekturik Onena’ izeneko saria Estatuko Enplegu Zerbitzu Publikoari (SEPE) eman zaio, bere Lortu lana Atariagatik. 2014an abiarazi zen xede honekin: Estatuko eta Autonomia Erkidego guztietako enplegu publikoko lan-eskaintza guztiak eta proiektura batu nahi diren lan-bitartekaritzako erakunde pribatuetako lan-eskaintzak webgune bakar batean biltzea. Horri esker, eskatzaileek errazago bilatu ahal izango dute enplegua, eta beren esperientzia digitala ere hobetuko da. Bestalde, enplegu-emaileek hautagaien eskaintza zabala aurkituko dute hemen, horien artean bete nahi den lanpostura hobekien egokitzen dena hautatzeko.

Sarien entregarako ekitaldia Lourdes Maldonado kazetariak aurkeztu zuen, Madrilgo Trajearen Museoan. 200 pertsona inguru bertaratu ziren, besteak beste, Administrazio Nagusiko, Autonomikoko eta Tokiko Administrazioko ordezkariak eta lehen mailako enpresa, fundazio eta erakundeetako zuzendariak.

Bere mintzaldian, Fundetec fundazioko zuzendari nagusi Alfonso Arbaizak, omenaldia egin nahi izan zien “10 urte hauetan, beren denbora eta esfortzuarekin, Informazio Gizarteak hamarkada honetan gure herrialdean izan duen garapen izugarrian ekarpena egin duten pertsona guztiei".

91 hautagaitzen artean proiektu irabazleak hautatu behar zituen epaimahaiko presidentea Víctor Calvo-Sotelo izan zen, hau da, Fundetec fundazioko presidentea eta Telekomunikazio eta Informazio Gizarterako Estatu idazkaria.

Lau irabazleen saria ‘Juego en la Red’ izeneko trofeoa izan zen, egur gainean egindako beira esmaltatuzko mosaikoa, José Luis Berrocal artistak modu esklusiboan egindakoa. Lana partxis jokoan aurkitu du inspirazioa, helburutzat erdiko arrobara iristea duena. Arroba Informazio Gizartearen ikurra da.