Enpresentzako zerbitzuak. Certific@2

Ondoko aukerak eskaintzen dituen zerbitzua da: enpresariek euren izenean eta enpresa eta elkargokide profesionalek hirugarrenen izenean jardutea, euren langileei buruzko datuak jakinaraztea, dokumentuak aurrez aurre eman ordez.

Gomendioa

Aplikazioan nabigatzeko, komeni da aplikazioak berak emandako botoiak eta estekak erabiltzea, nabigatzailearenak erabili beharrean.

Nola sartu Certific@2 aplikazioan

Certific@2 aplikazioa erabiltzeko, erabiltzaileak baimena izan behar du Enplegu Zerbitzu Publikoei datuak telematikoki bidaltzeko, aurretiaz lortutakoa Contrat@ aplikazioan ezarritakoaren arabera, edo erakunde ziurtagiri-emaileren batek luzatutako sinadura elektronikorako baimena.

Enpresarentzako arreta: 901 010 121

Aplikazio horren funtzionaltasuna ondoko erabileretan oinarritzen da:

  • Araudi ezargarria

    Certific@2 aplikazioaren bidez datuak jakinarazteak eskubidez onartutako bestelako bitartekoen bidez egindakoek eragindako efektu berberak izango ditu.

    Ondoren, zerbitzu hau erabiltzeko araudi ezargarria zehazten da:

    Aplikazioaren funtzionamendua

    Sarrera

    Certific@2 aplikazioa erabiltzeko, erabiltzaileak baimena izan behar du Enplegu Zerbitzu Publikoei datuak telematikoki bidaltzeko, aurretiaz lortutakoa Contrat@ aplikazioan ezarritakoaren arabera, edo ziurtagiri-agintaritzaren batek luzatutako sinadura elektronikorako baimena.

    Prestasuna

    Enpresa-ziurtagiriaren datuak, jarraitutasunik gabeko langile finkoen jarduera-aldiak eta lanaldia eteteko edo murrizteko Enplegua Erregulatzeko Espedienteen datuen jakinarazpena eguneko 24 orduetan egin daiteke, urteko egun guztietan. Aplikazioa sarbideko helbide elektronikoan agertzen den penintsula, Ceuta, Melilla eta balear arkipelagoari dagokion data eta ordu ofizial espainiarraz dabil.

    Baieztapena

    Aplikazio informatikoak jaso izana berresten duen mezu bat igorriko du, non emandako datuak, jaso den eguna eta ordua eta transmisioa identifikatzeko gakoa agertuko diren.

    Berresteko mezuak, inprimatu eta artxibatu daitekeenak, aurkezpen-agiriaren balioa izango du, indarrean den araudiaren arabera.

    Erabiltzaileari ohartaraziko zaio berresteko mezua ez jasotzeak, edo transmisioan akatsa edo gabezia izan dela adierazten duen mezua jasotzeak, mezua ez dela ongi jaso adierazten duela.

    Certifica@2 aplikazioan aurreikusi ez diren datuak jasotzeak ez du eraginik izango eta ez-aurkeztutzat joko dira, eta bidaltzaileari horren berri emango zaio.

    Epeak

    Epeak zenbatzeko, lurralde nazional osorako Estatuko Administrazio Orokorrak argitaratutako egun baliogabeen urteko egutegian aitortutakoak baino ez dira hartuko egun baliogabetzat.

    Egun baliogabe batean jasotako datuen igorpena hurrengo lehen egun balioduneko lehen orduan egindakotzat joko da. Sarrerako idazpenean harrera benetan zein egunetan eta datatan gertatu zen adieraziko da, eta sarrerako data eta ordu eraginkor gisa, berriz, hurrengo laneguneko zero orduak eta segundo bat agertuko da.

    Jarduera Epeen Jakinarazpena

    Certifica@2 aplikazioaren erabiltzaileek aurreko hilabete edo hilabeteetako jarduera-datuak jakinarazi behar dituzte. Jarduera-aldien jakinarazpena eguneko 24 orduetan egin daiteke, urteko egun guztietan, betiere langilearen aurretiazko baimena izanda.

    Baimendutako erabiltzaile batek jarraitutasunik gabeko langile finkoen edota lanaldia eteteko edo murrizteko Enplegua Erregulatzeko Espediente batek eragiten dien langileen lan-jardueraren aldiei buruzko datuak telematikoki igortzeak, erakunde kudeatzaileari langile horien langabeziagatiko prestazioak eta sorospenak jasotzeko eskaerak egitea ahalbideratuko dio.

    Enpresa Ziurtagiria

    Baimendutako erabiltzaile batek telematikoki datuak bidaltzeak langilea langabeziagatiko prestazio-eskaerarekin batera enpresa-ziurtagiria aurkeztu beharretik salbuetsiko du.

    Informazioaren biltegiratzea

    Certifica@2 aplikazioaren bidez jasotako datu guztiak datu-base batean sartuko dira.

    Estatuko Enplegu Zerbitzu Publikoak erantzungo dio langileek edo ordezkariek datu horiei buruz edo halakorik ezaren inguruan egiten duten informazio-eskaerari.

    EEEak pairatu dituzten langileen altak

    Internet-konexioa duen edozein enpresak Estatuko Enplegu Zerbitzu Publikoari (SEPE) ondoko egoera jakinarazteko aukera ematean datza: Enplegua Erregulatzeko Espediente baten ondorioz ohiko lanegunaren amaiera, etetea edo murrizketa jasaten duten langile guztien prestazioan hasierako alta.

    Jakinarazpen hau XML teknologiako aplikazioa erabilita egin daiteke, XML formatuko fitxategien tratamenduaren bitartez, eskuz kudeatu beharrekoak. Erabiltzailearen esku-hartzea behar du, fitxategia sortutakoan, hauxe hautatzeko eta SEPEri igortzeko.

    XML fitxategi hau sortzeko, Certific@2 aplikazioaren barne morroi bat dago.

Dokumentazio