Iraizpen kolektiboei buruzko datuak aldez aurretik bidaltzea, lan-harremana etetea eta lanaldia murriztea, ESS/982/2013 Aginduan aurreikusitakoa

Zertan datza?

Enpresek Estatuko Enplegu Zerbitzu Publikoari (SEPE), eraginkorrak izan aurretik, iraizpen kolektiboko neurriei, lan-harremanen eteteari eta lanaldi murrizketari buruzko informazioa jakinarazteko aukera ematean datza. Hala ere, jakinarazpen horrek ez du ekarriko, inolaz ere, aipatutako neurriak aplikatzeak eragin ditzakeen langabeziagatiko prestazioak ordaintzea.

Jakinarazpen hau XML teknologiako aplikazioa erabilita egin daiteke, XML formatuko fitxategien tratamenduaren bitartez, eskuz kudeatu beharrekoak. Erabiltzailearen esku-hartzea behar du, fitxategia sortutakoan, hauxe hautatzeko eta SEPEri igortzeko.

Nola funtzionatzen du zerbitzuak?

Certific@2 aplikazioa erabiltzeko, erabiltzaileek baimena izan behar dute Enplegu Zerbitzu Publikoei datuak telematikoki bidaltzeko, aurretiaz lortutako Contrat@ aplikazioan ezarritakoaren arabera, edo erakunde ziurtagiri-emaileren batek luzatutako sinadura elektronikoaren baimena.

Certific@2 aplikazioan sartuta igorritako XML fitxategientzako, bi kontrol-maila burutuko dira:

  • Formatuaren kontrola. Denbora errealean burutzen da, fitxategia igortzen den une berean. Errorea detektatzen bada, hau zehaztuko da eta SEPEk prozesatzeko fitxategia ez da igorriko. Bestela fitxategia igorriko da, SEPEk prozesa dezan.
  • Gainontzeko kontrolak. Fitxategia SEPEra bidali ondoren egiten dira. Bigarren kontrol-maila horren ondoren, posta elektroniko bat bidaliko da, prozesuaren behin betiko emaitzaren berri emateko: zuzen prozesatua edo ukatua; azken kasu horretan aurkitutako erroreak erantsiko dira.

Gainera, igorpen bakoitzean 10 XML fitxategi erantsi daitezke.

Iraizpen kolektiboko neurriak, lan-harremanaren etetea eta lanaldi murrizketa urteko egun guztietan jakinaraz daitezke, eguneko 24 orduetan.

Zer abantaila eskaintzen ditu?

Enpresei baliabide elektronikoak ematen zaizkie informazioa SEPEra bidaltzeko. Hartara, izapideak sinplifikatu eta kostuak aurrezteaz gain, ez da paperik erabiliko.

Esteka interesgarriak

  • Iraizpen kolektibo, kontratu-eten edo lanaldi-murrizketarekin lotutako arazoetarako, jarri harremanetan Lan-agintaritza eskudunarekin edo kontsultatu Lan-gida.
  • ESS/982/2013 Agindua ez betetzeagatiko obligazio, arau-hauste edo zigorrekin lotutako arazoetarako, jarri harremanetan Lan eta Gizarte Segurantzarako Ikuskaritza eskudunarekin.

Dokumentazio