Kontratazioa Jakinarazi. Contrat@

Contrat@ aplikazioaren bidez on line kontratazioaren jakinarazpena errazten du webgune honek. Aplikazio honi esker, euren izenean aritzen diren enpresariek eta hirugarrenen izenean aritzen diren enpresek eta profesional elkargokideek, beren bulego edo egoitza profesionaletik Enplegu Zerbitzu Publikoei lan-kontratuaren edukia jakinarazteko aukera dute.

Contrat@ aplikazioaren bitartez, Kontratuen, Oinarrizko Kopien, Luzapenen, Jarraitutasunik gabeko finkoentzako deialdien eta Ordu osagarrien itunen datuak jakinaraz daitezke; horretarako hiru aukera daude eskuragarri: Datuen jakinarazpenaren bidez, XML fitxategien igorpenaren bitartez edo Web Zerbitzuen bidez.

Zerbitzu hori erabiltzeko Enplegu Zerbitzu Publikoen Baimena behar da. Horretarako, Baimenerako Eskari bat bete beharra dago, eta beharrezkoa den dokumentuekin batera Zerbitzu Publiko horietan aurkeztu. Baimena emandakoan, Contrat@-ra sartzeko aukera izango da, Ziurtagiri Digitalaren edo NAN elektronikoaren bitartez, edo Eskaria egindakoan emandako Enpresaren Identifikatzailearen eta kode pertsonalaren bidez. Informazio gehiagorako, aplikazioan "Erabiltzailearen Eskuliburu" osoa dago, baita "Oharrak" esteka ere, kontratazioari buruzko legerian dauden berriekin eguneratzen dena. Zalantza edo arazoren bat izanez gero, bidali mezu bat Contrat@-ren postontzira.