EURES. Europan langileak aurkitzea

Enpresaria EURES atarira sar daiteke langileak bilatzeko, eta edozein estatu kidetan kontrata ditzake langileak, bere langileen maila handituz, bere produktuak hobetuz eta bere jarduerak zabalduz.

  • Zer eskaintzen dio EURESek nire enpresari?

    Europako Enplegu Zerbitzu Publikoek osatutako sarea da EURES; honi esker, behar dituzun langileak aurkitzea posible izango da, eta Europako Esparru Ekonomikoan barne lekualdatzearekin zerikusia duten alderdiei dagokienez aholku emango dizu.

    Zure enpresak langileak aurkitu behar baditu, EURES Sarera jo dezake. Europako beste herrialde bateko langileak aurkitzea zaila izan daiteke aurretik egin ez baduzu. Nola hasi? Zer izan behar duzu kontuan? Nola lor dezakezu laguntza?. EURES Aholkulariek, bai Espainiakoek bai Europako gainerako herrialdeetakoek, horretarako behar duzun aholkularitza emango dizute.

    Beste herrialde batean hautagaiak bilatzen hasi aurretik, zure Enplegu Zerbitzu Publikoarekin harremetan jar zaitez, eta langileak kontratatzeko beharra azal ezazu. Zerbitzu hau baliagarria izan daiteke hautagai egokiak aurkitzeko.

    Kontuan izan beharrekoa

    • Argi definitu eskainitako lanpostuak burutzeko zein gaitasun, trebetasun eta prestakuntza zehatz behar dituzun.
    • Kontuan izan ezazu denbora gehiago behar dezakezula Europako beste herrialdetako hautagaiak aurkitzeko, epe errealistak ezarri.
    • Egoitza edo etxebizitza aurkitzeko langile atzerritar batek ebatzi beharko dituen alderdi praktikoak kontuan izan itzazu.
    • Hautagaiek behar duten hizkuntza-gaitasun maila kontuan izan ezazu. Zure hizkuntza menperatzen ez badute baina lanposturako egokiak direla baderitzozu, pentsa ezazu haiekin nola komunikatuko zaren. Hautagaientzako bereziki zailak izan daitezke telefono bidezko elkarrizketak. Beste aukerak azter itzazu zure EURES Aholkulariarekin: bideokonferentziak, aurrez aurreko elkarrizketak, etab. Informa zaitez ea administrazio oztoporik badagoen kontratazioa hasi aurretik. Kontratatzeko erak herrialde batetik bestera alda daitezke, baita enpresaren eta hautagaien arteko erlazioak ere. Baliteke hautagai baten jarrera ezohizkoa izatea, baina ezberdintasun kulturalagatik izan daiteke. Ez utzi horrek zure iritziarengan eragina izan dezan; aldiz, gogoan izan zeintzuk diren hautagaiaren gaitasunak eta trebetasunak; lagundu laneratzen.

    EURES Zerbitzuak nire enpresarako

    EURES atariak, beste herrialdeetan lan egin nahi duten 300.000 enplegu-eskatzaile baino gehiago biltzen dituen datu basea du. Erregistra ezazu gaur bertan zure enpresa, doako kontu bat irekiz Nire EURES ataria. Bizkorra eta erabiltzeko erraza da.

    Hautaketa-prozesuez gain, EURESek Europako herritarren lekualdaketan eragina duten alderdiei buruz informazioa eta aholkuak eman ahal dizkizu, adibidez titulazioen baliokidetasunak, Gizarte Segurantzaren izapideak, zergak, etab.

    Enplegu-emaileentzat EURES Zerbitzuak

    Zure lan-eskaintza Europan hedatzen laguntzen zaitugu, Europa-mailako sistema informatikoa emanez, zeinari esker lan eskaintzak denbora errealean hedatzea posible den, batez ere beste hizkuntzen ezagutza behar dutenak, hezkuntza eta esperientzia bereziak behar dituztenak edo profesional gaituak bilatzen dituztenak, merkatuan aurkitzeko zailak direnak.

    Honakoa lortzen lagunduko zaitugu:

    • Europa mailan zure lanpostu hutsetarako hautagai egokiak, behar duzun prestakuntza eta gaitasun zehatzekin (hizkuntzak, espezializazioa, etab.).
    • Estatu mailatik kanpo enplegu-eskaintzaren hedapena Europako Esparru Ekonomikoko herrialdeetan eta Suitzan.
    • Nazioarteko lekualdaketarekin erlazionatutako lege alderdiei eta alderdi praktikoei buruzko lehen eskuko informazioa.
    • Zure langileak beste herrialde batera aldi baterako lekualdaketari buruzko aholkularitza, Gizarte Segurantzaren izapideen eta lan kontratatze formulen gainean.
    • Enplegu, Gizarte Segurantza, langabezia eta abarreko eremuan herrialde bakoitzean Erakunde eskudunei buruzko informazioa.

     

    Erreklutamendua

    • Zure enplegu-eskaintza aurkezteko eta hedatzeko jo ezazu zure EURES Aholkulariarengana.
    • Langile ugari behar baduzu, eskala handiko langile biltzea antolatzen lagun zaitzakegu, Europako Esparru Ekonomikoko beste herrialdeekin lankidetzan.
    • Hautagaientzako aurkezpen bat prestatzea gomendatzen da, enpresa sustatzeko eta kontratatutako langileen integraziorako ematen duen laguntza azaltzeko. Itzultzea eta zure webgunean jartzea baliagarria izan ohi da.
    • EEEko beste herrialdetako EURES enplegu-azokatara ere joan zaitezke, bilatzen diren ezaugarriak betetzen dituzte hautagaiak bertan badira. Edozein hautagairen aurrean lan-aukerak azaltzeko adibideak erabiltzea eragingarria da beti, eta ahal bada, adibide horietan zuzen integratu diren langile immigranteek parte hartzea.
    • Era berean, ez ahaztu kontratatzean zurekin lankidetzan aritu direnei prozesuaren emaitzaren gainean informatzea.

      1) Enplegu-eskaintzak aurkeztea

    Espainiako enpresen enplegu-eskaintzak EB/EEEko herrialdeetara, ondoko egoera zehatzetan gertatuko dira:

    • Enpresariak ageriro eskatzen duenean eskaintzak beste herrialdeei jakinaraztea. Enpresariak tokiko lan-merkatuan ez den erkidegoko langilea bilatzen duenean.
    • Eskaintzek baldintza profesional zehatzak biltzen dituztenean eta ondorioz bestelako herrialdeetara jakinaraztea beharrezkotzat jotzen denean. Besteak beste, ondoko eskakizunak izan daitezke: hizkuntzak, kultura anitzetan esperientzia, nazioarteko enpresetan edo sektoreetan esperientzia, etab.
    • Tokiko eskulanean defizita duten lanbide-eskaintzak. Hauek dira, estatu/toki mailan lan-indar prestatua bilatzeko zailtasun handiak dituzten eskaintzak.

    Enplegu-eskaintzak zure probintziako EURES Aholkulariaren bidez aurkeztuko dira beti, pertsonalki nahiz posta elektronikoz, ohizko postaz edo faxez.

    Europako Enplegu Zerbitzu Publikoen datu-base komunean Europako Esparru Ekonomikoko (EEE) edozein herrialdetatik kaleratutako eskaintzek, zenbait datu homologatu bildu beharko dituzte, ahalik eta hedapenik zabalena eta zehatzena egin ahal izateko.

        2) Langileak bilatzea, CVaren arabera

    Zure hautagaiak bila ditzakezu Nire EURES ataria ataletik, datu-basera sartuz. 

    Ezkerraldean, "Enpresa" atalean, bi aukerak dituzu:

    • Erabiltzaile berria sortzeko, ondoko esteka erabili: Nire EURES kontu berria sortu.
    • Aurrerantzean, ondoko estekaren bidez: Nire EURES kontuan sartu.

     Ondoren eta bi kasuetan jarraibideak segi itzazu, pantailan agertzen diren baldintzak irakurri eta eskatutako datuak bete.

    Pauso hauek jarraitu direnean, erregistratutakoan emandako posta elektronikoan pasahitza jasoko duzu, aurrerantzean sartzeko.

    EURES Aholkulariak datu hauek jasoko ditu eta Europako Enplegurako Zerbitzu Publikoen datu-base komunean eskaintza erregistratuko du. Pertsona interesdunak enplegu-emailearekin harremanean jarriko dira, zuzenean nahiz Aholkulariaren bidez.

Dokumentazio