Europako Gizarte Funtsaren Finantzaketa 2014 - 2020

EGF (Europako Gizarte Funtsa) Europak enplegua sustatzeko, jendeak lanpostu hobeak lortzeko laguntza eskaintzeko, eta EBko herritarrentzako lan-aukera zuzenagoak bermatzeko duen oinarrizko tresna da Horretarako, EGFk Europako giza-kapitalean inbertitzen du: langileak, gazteak, eta enplegua bilatzen ari diren pertsona guztiak.

SEPEren parte-hartzea estatu osoan zehar zabaltzen da, 2014-2020 epealdirako Europar Batasunak ezarri duen eskualde-sailkapenaren arabera. Hona hemen sailkapena:

  • Gutxien garatutako eskualdea: Extremadurako Autonomia Erkidegoa
  • Garapen-bidean dagoen eskualdea: Andaluzia, Kanariak, Gaztela-Mantxa eta Murtziako autonomia erkidegoak eta Melillako Hiri Autonomoa.
  • Gehien garatutako eskualdea: Aragoi, Asturias, Balearrak, Kantabria, Gaztela eta Leon, Katalunia, Valentzia, Galizia, Errioxa, Madril, Nafarroa eta Euskadiko autonomia-erkidegoak eta Ceutako Hiri Autonomoa.

Estatuaren banaketa horrek Europako Gizarte Funtsak batera finantzatutako ehuneko ezberdinak daudela ematen du aditzera. Ehuneko horiek programa eragile bakoitzaren onespen-erabakietan ezartzen dira; hala, bada, gehien garatutako eskualdeen kasuan, diruz lagundu daitekeen gastu osoaren % 50 da, eta % 80ra artekoa, berriz, gainerako lurraldeari dagokionez. Kanarien kasuan, % 85 izango da, Europar Batasuneko eskualde ultraperiferikoa baita.

Programazio-epealdi honetan bada finantzaketa-kasu berezi bat, Gazteen Enplegurako Ekimena (GEE), alegia, Gazte Enplegurako Programa Eragilean jasotakoa. Izan ere, horren finantzaketa-ehunekoa % 91,89koa da estatu osoan.

2014-2020 programazio-epealdian, Estatuko Enplegu Zerbitzu Publikoa bitarteko erakunde izendatu dute lurralde anitzeko honako programa hauetan: Gazte Enplegurako Programa Eragilean (GEPE), Gizarteratze eta Gizarte Ekonomiarako Programa Eragilean (GGEPE) eta Enplegu, Prestakuntza eta Hezkuntzarako Programa Eragilean (EPHPE). Xede horretarako, kasuan kasuko Eginkizunak Esleitzeko Hitzarmenak sinatu dituzte Europako Gizarte Funtsaren Kudeaketarako Agintaritzak Espainian eta SEPEko Zuzendaritza Nagusiak.

Halaber, aipatu programa eragile guztietan, delako egitura-funtsaren laguntzen onuradun gisa agertzen da, programa horietan aurreikusitako ekintzak SEPEri eta ez beste inori baitagozkio.

SEPEk hiru programa operatiboetan parte hartzen du.

Dokumentazio