Enplegu-eskaintzaren profilak

2018

pagina/nombre_imagen

Estatuko Enplegu Zerbitzu Publikoaren Lanbide Behatokiak hainbat ikerketa-ildo ditu lan-merkatua aztertzeko. Ikerketa-ildo horien bitartez, informazio eta analisi ugari lortzen dira merkatuaren hainbat alderdiren inguruan (egoera, joerak, ezaugarriak, lan-merkatuan sartzeko, hor irauteko eta bertatik irteteko dinamikak, langabezia, kontratazioa, afiliazioa...), eta horiek guztiak erabiltzaile mota ezberdinetara egokitzen dira (herritarrak, enpresak, orientatzaileak, unibertsitateak, erakundeak...).

Merkatuan eskatzen denaren eta enplegu-emaileek eskatzen dutenaren gainean informazio zuzena eta kualitatiboa izateko (eta, beraz, lan bila dabilen hautagai batek lana lortzeko behar dituen gaitasunak zeintzuk diren jakiteko), Lanbide Behatokiak txosten bat prestatzen du urtero, estatu-mailakoa. Bertan, profil profesionalak eta enpresek lanpostuak estaltzeko eskatzen dituzten gaitasunak aztertzen dira sakonki. Horrela, prestakuntzako beharrak hautematen dira eta langileen laneratzea hobetzen da.

Txostena prestatzeko, Interneteko atari ezberdinetan argitaratzen diren enplegu-eskaintza kopuru esanguratsuaren segimendua egin eta hura aztertzen da, batik bat, eskaintza langilea behar duen enpresak berak edo bitartekari batek (enplegu zerbitzu publikoak, aldi baterako lana eskaintzen duten enpresak, lanpostu-agentziak, enpleguko webgune espezializatuak eta abar) argitaratzen duen kontuan hartu gabe. Izan ere, azken horiek dira gaur egun lana bilatzeko eta eskaintzeko bide erabilienetako bat.