Zer da SEPE - Xedea, ikuspegia, baloreak

SEPE

Estatuko Enplegu Zerbitzu Publikoa, SEPE, Estatuko Administrazio Orokorraren organismo autonomo bat da, gaur egun Enplegu eta GizarteSegurantzaMinisterioaren menpe dagoena; bere helburua da Enplegu Politiken programak eta neurriak antolatzea, garatzea eta jarraitzea, enpleguaren abenduaren 16ko 56/2003 Legean ezarritakoaren eremuan.

SEPEren osaketa honakoa da:

  • Zenbait Zerbitzu Zentral.
  • 52 Probintzia Zuzendaritza, Ceuta eta Melilla barne.
  • Espainiako 50 probintzietan, Ceuta eta Melillan barne, banatutako bulegoen sare zabala; horietatik, aurrez aurreko arretaren bitartez langabeziagatiko prestazioak kudeatzen dira. Ceuta eta Melillakoetan enplegu- eta prestakuntza-izapideak ere kudeatzen dira.
  • Arreta telematikoko sare bat (RATEL), 52 bulego birtualekin.

Gure zerbitzuak honakoei zuzenduta daude:

  • Langabe nahiz lanean diren pertsona langileei.
  • Negozio-ideia bat duten pertsona ekintzaileei.
  • Enpresei.
  • Xedea

    Enplegu politikaren garapena laguntzea, langabeziagatiko babes-sistema kudeatzea eta lan-merkatuari buruzko informazioa bermatzea, Erkidegoetako Enplegu Zerbitzu Publikoen eta lan-arloko beste agenteen laguntzarekin, herritarrak laneratzeko, lan-merkatuan iraunarazteko eta enpresen giza kapitala hobetzea lortzeko xedearekin.

    Ikuspegia

    Herritarrentzako gure zerbitzuen kudeaketan bikaintasuna eskuratzea, teknologia berriez baliatuta, eta Enplegu Sistema Nazionalaren ekarpenean nagusi izatea lan-merkatuaren kalitatea handitzeko.

    Erakundearen balioak

    Dituen helburuak lortzeko SEPEk kontuan hartu behar dituen printzipioak zehazten dituzten balioak ondoko hauek dira: 

    • Herritarrei zerbitzu emateko kultura: SEPEk gizarterako eta gizartearentzako lan egiten du. Erakundeko pertsonek duten zerbitzu publikorako bokazioak poztasun-mailak gora egitea dakar zerbitzuarekin pozik dagoen erabiltzaile bakoitzarekin. Erakundeko jarduera orok zentratua egon behar du bere bezeroen beharrak ikertzen eta behar horiek erarik eraginkorrenean asetzeko lana bideratzen.
    • Berriztatzeko gaitasuna: SEPEren balio erantsia bertan lan egiten duten pertsonek dakarte, laneko errealitate berriak enplegu-bilaketa eta orientazioaren tratamendurako berrikuntza behartzen baitu. Era honetan, erakundeak jasandako aldaketek isla zuzena dute erabiltzaileengan.
    • Beste agenteekin lankidetza: Herritarrei zerbitzurik hoberena eskaintzeko helburuarekin, SEPEk zerbitzu publikoaren izaera du eta ondorioz, lan-eremuko gainerako aktoreekin lankidetza indartu eta beste erakundeekin koordinazioa hobetzen du, baita Europa mailan ere.
    • Erakundeko langileekin konpromisoa: Zerbitzu Publikoko maila handiko bokazioa duen langileak ditu SEPEk. Herritarrentzako zerbitzu egokiak giza-baliabideen kudeaketa egokia ezinbestekoa du; komunikazioa, antolakuntza argia, erakundeko pertsonekiko konpromisoa eta horien lanbide-garapena dira kudeaketa horren oinarriak. Erakundeak balio handia eman behar die talde-lanari, lankidetzari eta laneko baldintzen hobekuntzari.
    • Kudeaketan kalitatea: Kalitatearen bitartez gainerako balioak praktikan jartzen dira. Zerbitzua ematea esaten zaio eraginkortasunez zerbitzua emateari, garaiz, era jasangarri eta arduratsuan eta etengabeko hobekuntzaz. Kalitatearen abiapuntua bezeroen beharrak hautematea da; ondoren, horiek hautematen duten kalitatearen ebaluazioa dator.

     

Dokumentazio