Se quere beneficiarse do pago único da prestación contributiva por desemprego, debe ser titular da citada prestación no momento en que presente a solicitude do pago único e non iniciar a actividade antes de presentar dita solicitude.

O abono da prestación realizaráselle dunha soa vez polo importe que corresponda á achega obrigatoria establecida, con carácter xeral, en cada cooperativa, ou polo importe para a adquisición de accións ou participacións do capital social nunha sociedade laboral, (en ambos os casos, requisito necesario para acceder á condición de socio ou socia). Non podería obter o pago único se realiza devandito desembolso antes da solicitude do pago.

Se no momento da solicitude, forma parte dunha cooperativa ou sociedade laboral previamente constituída, e en consecuencia, xa efectuou o desembolso necesario para adquirir a condición de socio ou socia, pero aínda non se iniciou a actividade nin as persoas traballadoras figuran de alta na Seguridade Social, só poderá obter o pago único para a subvención de cotas.

Máis información en:

• “Capitalice a súa prestación".
• Cartafol informativo do pago único.
• Impreso de solicitude do pago único.