Se aféctache unha incapacidade temporal mentres percibes a prestación por desemprego como consecuencia da suspensión de emprego ou a redución da xornada de traballo por un procedemento de regulación temporal de emprego, deberás polo en coñecemento do Servizo Público de Emprego Estatal (SEPE). Comunicarás tanto a baixa médica como, no seu día, a correspondente alta. Ademais, a túa empresa comunicará tamén os días de baixa médica a través do correspondente ficheiro de días de actividade/inactividade.

Podes comunicar esta situación:

• Solicitando cita previa na túa oficina de prestacións e achegando os partes de baixa e alta.
• A través de Internet, na sede do SEPE (se dispós de certificado dixital, DNI electrónico ou usuario e contrasinal cl@ve). Podes achegar os partes de baixa e alta a través da transacción Xestión da documentación.
• Presentando pre-solicitude para a baixa por IT, no trámite Baixa Prestación. Unha vez teñas a alta médica, presenta novamente pre-solicitude no trámite Pre-solicitude de prestación individual. En ambos os casos explica brevemente, no campo Observacións, esta situación, que estás a percibir prestación por ERTE e que pasaches a situación de IT ou a finalizaches.
• Excepcionalmente, mediante remisión de escrito a través do Rexistro Electrónico ou presentado nunha oficina de asistencia en materia de rexistro, achegando os partes de baixa e alta médicas.