Lana udan

Sarrera

Udarekin batera oporrak ere iristen dira, garai ezin hobea lan bila ateratzeko, hizkuntza bat ikasten duzun bitartean. Jarraian ageri diren atarietan lana bilatzeko informazioa aurkituko duzu.

EURES (European Employment Services)

EURES Europako Batzordearen eta EBko herrialdeetako, Norvegiako, Islandiako, Liechtensteineko eta Suitzako enplegu zerbitzuen arteko kooperazio sarea da, beste erakunde batzuen artean. EURES sareak kalitate handiko zerbitzuak jartzen ditu langile eta enplegatzaileen eskura.

EURES sarearen helburua da informazio, aholkularitza eta kontratazio/enplegu bilaketa zerbitzuak langileen eskura jartzea.

EURES mugikortasun profesionalerako Europako ataria baino askoz gehiago da, enplegu atari bat baino askoz gehiago da.

EURES Europa

EURES sareak 1.000 aholkulari baino gehiago ditu Europa osoan barna eta sare hori enplegatzaile eta langileen zerbitzura jartzen du.

Espainian, zure autonomia erkidegoko EURES aholkulariekin harremanetan jar zaitezke, EURES sarearen hiru oinarrizko zerbitzuak ematen dituztenak: Europako lan merkatuaren inguruko informazioa, orientazioa eta bitartekaritza.

EURES Espainia

Gazteria Europar Ataria

Gazteria Europar Atarian aurkituko dituzu Europar Batasuneko herrialdeetan udarako lana bilatzeko estekak eta, jakina, praktika eta ikaskuntza aukeren inguruko informazioa ere bai.

Lana bilatzea

Non bilatu lana?

Europako Esparru Ekonomikoko herrialdeetan, pertsonen zirkulazio askea oinarrizko eskubidea da eta, horri esker, EEEko herritarrek EEEko beste herrialde batean lan egin dezakete lan baimenik gabe.

Zein alderdi praktiko hartu behar dira kontuan lana bilatu aurretik?

Europako beste herrialde batean bizi eta lan egiteak hainbat zailtasun ekar ditzake, hala nola kultura berri batera egokitzea, atzerriko hizkuntza batean lan egitea eta ezagutzen ez ditugun zerga eta gizarte segurantza araubideetara ohitzea.

Geure burua prestatzeko modurik onena hautatu dugun herrialdearen inguruko informazio egokia lortzea da. Norberaren gaitasunak, hala nola ekimena, aldaketarako joera, trebetasunak eta atzerriko hizkuntzen ezaguera ere garrantzitsuak dira.

Lana bilatzen hasi aurretik, gogora ezazu lana beste herrialde batean aurkitzea ez dela, halabeharrez, errazagoa.

Hala ere, Europako lan merkatuko sektore jakinek aukera ugari eskaintzen dituzte, esaterako, turismoak edo zerbitzuen sektoreak (finantza zerbitzuak, kudeaketarako aholkularitza, informazioaren teknologiak eta osasun sektoreko hainbat segmentu), eta baita nekazaritzako denboraldiko lanen sektoreak ere.

EEEko herrialde bakoitzean bizi eta lan egiteari buruzko informazioa aurkituko duzu atari hauetan:

Europako Batzordearen EURES ataria, “Bizitza eta lana” atala: lortu informazioa lan merkatuari, osasun arloari, ostatu aukerei eta abarri buruz.
EURES ataria SEstatuko Enplegu Zerbitzu Publikoa (SEPE): hautatu zure interesekoa den herrialdea eta kontsultatu lan eskaintzak eta baita bertan bizi eta lan egiteari buruzko oinarrizko informazioa ere.

Zein beste alderdi hartu behar dira kontuan?

Curriculum vitae (CV) argia eta ongi egituratua duzula ziurtatu behar duzu, bila ari zaren lanposturako bereziki egina. EURES Espainia erakundeak gomendatzen du CVa eta aurkezpen gutuna pertsonalizatzea eta herrialde bakoitzeko ereduetara egokitzea.

Zure hautagaitza egokitzeko eredu eta aholku espezifikoak aurkituko dituzu “CVa eta gutuna” atalean, herrialde bakoitzaren barruan, EURES-SEPE webgunean.

Europar Batasunak curriculum vitae estandarraren eredu bat onartu du: “EUROPASS”. CV horrek balio du modu argian islatzeko ditu hautagai baten gaitasun eta trebetasunak Europar Batasuneko herrialde guztietan. CV eredu hori 28 hizkuntzatan eskuragarri dago.

EuroPass

Au pair moduan lan egitea

Au-pair moduan lan egitea aukera hona da atzerrian aldi baterako lana lortzeko, diru sarrera gehigarri bat izateko eta, aldi berean, helmugako herrialdeko hizkuntza eta kulturaren ezaguerak hobetzeko.

Zer da au-pair bat?

Au-pair programaren funtsa truke kulturala da: pertsona gazte bat beste herrialde bateko harrerako familia batekin bizitzera joaten da urtebetez. Gazte horrek familiari laguntza emango dio haurrak zaintzeko eta etxeko lanak egiteko, ostatu osoaren eta sakelako diruaren truke.

Lanaldiak desberdinak izaten dira au-pair bakoitzaren eta zerbitzua ematen den herrialdearen arabera, baina asteko 20 eta 40 ordu artekoak izaten dira, astean jaiegun batekin gutxienez.

Arau orokor gisa, au pair pertsonak ez du lan-harremanik dagokion familiarekin; aitzitik, Europaren kasuan, Au Pair-i buruzko Europako Itunari eta herrialde bakoitzaren kasuan dagozkion arauei heltzen diete. Nahiz eta Europako herrialde guztiak ez dauden Tratatu honi atxikita, gehienetan antzera ulertzen da. Hala ere, herrialde batzuetan, hala nola Irlandan edo Suitzan, etxeko langiletzat hartzen da, lan-harremana du eta bere legediari lotuta dago eskubide eta betebeharrei dagokienez.

Au Pair Estandarretarako Europako Batzordeak (ECAPS) definitzen ditu Europako Au Pair programaren ezaugarriak. Herrialdeen arabera aldaketak egon daitezkeen arren, hauek dira xedapen nagusi ohikoenak:

Au-pair bat gizona zein emakumea izan daiteke.
Oro har, 18 eta 30 urte artekoak izaten dira.
Herrialdearen arabera, iraunaldia 3 eta 12 hilabete artekoa izan daiteke.
Haurren zaintzan esperientzia izatea eskatzen da harrerako herrialdeko araudien arabera. Erreferentziak aurkeztea komenigarria da.
Aurrekari penalik ez izatea.
Osasun egoera ona izatea.
Helmugako hizkuntzaren oinarrizko ezaguerak izatea (kontuan hartuta helburu nagusietako bat izaten dela, hain zuzen ere, hizkuntza horretan trebatzea praktikari esker eta/edo helmugako herrialdean ikastaroren bat eginda).

Au-pair engleguei buruzko Europako akordioa: barne du familiaren eta au-pair-aren artean gauzatu beharreko “lankidetza hitzarmenaren” eredu bat ingelesez.

Mundu osoan au-pair eskaintzak bilatzeko hainbat baliabide:

Internacional au pair Association (IAPA): Orrialde honetan au pair eta familientzako aholkuak aurkituko dituzu, baita IAPAko herrialde bakoitzeko au pair agentzia nagusien direktorio orokor bat ere, "Member Search" erlaitzean.

Au pairs familiekin lotzen dituzten erakundeek erregistro-kuota bat kobratzen diete familiari edota au pair delakoari. Hala eta guztiz ere, gomendagarria da kudeaketak agentziaren baten bidez egitea, zehazki, nazioko eta/edo nazioarteko elkarte horiei dagozkienak, gutxieneko baldintza batzuk betetzen direla bermatuko baitute.

Au Pair Programaren Espainiako Elkartea: Hau abiapuntu ona da, programa hau Europako zein kanpoko hainbat herrialdetan eskaintzen duten agentzia ugari aurki baitaitezke.
Plataforma batzuk oso ezagunak dira, informazio asko ematen dutelako, hala nola AuPairWorld. Bitarteko legalak badira ere, arretaz erabili beharko lirateke baliabide horiek, azken familiekin au pair izateko hautagaiak zuzenean harremanetan jartzeko balio baitute, eta ez dago bitartekotza profesionalik argitaratutako profilen egiazkotasuna, familiaren eta hautagaiaren arteko egokitasuna, baimen/bisatu bereziaren beharra (EBtik kanpo) eta akordioaren baldintzak ikuskatzen dituenik.

Gauza bera esan liteke familien eta hautagaien arteko zuzeneko harremanetarako edozein bitartekori buruz, hala nola sare sozialei buruz, non taldeak ugaritzen diren horretarako, adituek gainbegiratu gabe.
Zenbait herrialdetako informazio espezifikoa:
Au-pair Suitzan:

Au-pair Alemanian:

Espainiako Lan Kontseilaritzak Alemanian emandako informazio orokorra.
Working as an aupair for German families (ingelesez)
Aupair society

Au-pair Irlandan: 2016az geroztik, au pair pertsonak lan-kontratu bat izan behar du etxeko langile gisa. Horrek esan nahi du gutxieneko soldata bat, Gizarte Segurantzako kotizazioa, zergen atxikipena eta abar, hau da, aplikatu beharreko lan-legerian jasotako eskubideak eta betebeharrak izatea. Horregatik, Irlandako au pair agentzia asko desagertzen joan dira azken urteotan.

Au pair gida Irlandan (Espainiako Lan Kontseilaritza Irlandan)
SK Au Pair & Language programmes

Au pair Erresuma Batuan: erresuma Batua Europar Batasunetik erretiratu zenetik, ezin da au pair gisa herrialde honetara joan.

Espainiako Lan Kontseilaritzak Erresuma Batuan emandako informazioa.

Au-pair lana Estatu Batuetan (informazioa eta eskaintzak):

Gurutzaldi batean lan egitea

EURES areak enplegu EURES sareak, enplegu zerbitzuen Europako sarea den heinean, jasotzen dituen enplegu eskaintzak EURESen enplegu atarian argitaratzen dira.

EURES eskaintzaren barne ez dauden gurutzaldietan lana bilatu nahi baduzu, zuhurtziaz jarduteko gomendatzen dizugu, izan ere, sektore honetan, zenbateko ekonomiko jakinak ordaintzearen truke lan eskaintza zalantzagarriak iragartzen dituzten ustezko konpainia ugari daude.

Jarraian hainbat gomendio baliagarri aurki ditzakezu.

Lan bilaketa honi behar bezala ekiteko ezinbestekoa da ingeles maila ona izatea. Horrez gain, sarritan eskatzen da bigarren edo hirugarren hizkuntza baten ezaguera eta baita kasuko lanpostuan esperientzia profesionala izatea ere.

Kontuan hartu behar da gurutzaldi batean lan egiteak hainbat berezitasun dituela lan baldintzei eta langilearen eskubide eta betebeharrei dagokienez. Lanaldia, atsedenaldiak eta oporraldiak lurreko lanpostuetan daudenen desberdinak dira eta baldintza horiek arautzen dituen legeria aplikagarria desberdina izan daiteke herrialde batetik bestera. Kontuan hartu behar da enpresa hauetako asko ez daudela Europar Batasuneko legeriaren mende.

Eskaintzen diren lanpostuen artean badira osasun profesionalenak, mantentze lanetakoak, edertasun eta zaintza pertsonalekoak, animazioaren arlokoak, ostalaritza lanpostuak, garbiketakoak, argazkilariak, dendariak, etab.

Zer dakar gurutzaldi batean lan egiteak?

Itsasontzi batean bizi eta lan egiteak egunero 10 orduz lan egitea dakar, asteko 7 egunetan zehar.

Aisialdirako denborarik ba al da?

Asteko 7 egunetan zehar lan egiten badute ere, tripulazioko langileek atsedenaldiak metatu egiten dituzte eta denak batera hartzen dituzte kontratua amaitu aurretik.

Zenbat irauten dute kontratuek?

Lanpostuaren arabera, 4 eta 10 hilabete artekoak izaten dira.

Zer eskatzen dute enpresek?

Gurutzaldietarako hautaketa prozesu zorrotzak egiten dira, izan ere, lanpostu eta kargu bakoitzak eginkizun oso zehatzak ditu eta prestaketa eta betekizun jakinak eskatzen ditu. Ohikoa da aurretiko esperientzia eskatzea, baina badira maila txikiagoko lanpostuak horrelakorik derrigorrez eskatzen ez dutenak.

Ontziko langileei eskatzen zaizkien betekizunen artean daude atsegina izatea, positibotasuna transmititzeko gaitasuna, pertsonen arteko harremanetan trebea izatea eta taldean lan egiten jakitea. Horregatik, sarritan bilatzen dira ostalaritzaren sektoreko profesionalak, turismo titulazioak dituztenak, hotelen kudeaketan edo harreman publikoetan esperientziadunak, eta abar.

Betekizun hauekin batera, zenbait hautaketa prozesutan oinarrizko itsasoko prestakuntza eskatzen da merkataritzako ontzidiaren txartel profesionala eskuratzeko, eta baita bidaiari ontzien itsas nahikotasuneko ziurtagiria ere, Nazioarteko Itsas Erakundeko kideek, Espainia haien artean, sinatutako STCW akordioetan eskatutako betekizunekin bat etorrita. Prestakuntza hauek erraztasun osoz izapidetzen dira eta administrazio tasa oso txikia ordaindu behar da edo, diruz lagundutako ikastaroen kasuan, inolako tasarik ez.

STCW95 ziurtagiria izan beharra aipatzen duten webguneak

Gurutzaldietan lan egiten duten pertsonen prestakuntza, titulazio eta zaintzarako nazioarteko hitzarmena.

Lana bilatzeko webguneak:

Jarraian aipatu dira, informazio helburuetarako, lana bilatzeko hainbat webgune. Hobe da konpainiei buruzko informazioa bakarrik eskaintzen duten agentziei ez ordaintzea, ez baitute inolaz ere bermatzen lana aurkitzea. Aukera onena da lana zuzenki konpainiei eskatzea:

Gurutzaldi lineen enplegu webguneak:

Beste esteka batzuk:

Careersatsea Itsasoarekin lotutako irteera profesionalen berri ematen du: gurutzaldiak, merkataritzako ontzidia, etab. Ingelesez.
Infocruceros
Jeannannryanproductions

Ostalaritzan eta turismoaren sektorean lan egitea

Ostalaritzak eta turismoak lan kontratu ugari eskaintzen dizkiete sektore honetako profesionalei. Udako goi denboraldian, hau da, ekainetik urrira bitartean gutxi gorabehera, are kontratu gehiago egiten dira errefortzu langileak kontratatzeko.

Jarraian ageri dira sektore honetako lan eskaintzak dituzten hainbat webgune, herrialdeka.

Frantzia

Lhotellerie-restauration Zure hautagai espazio propioa sortu dezakezu, zure datuak eta sektoreko esperientzia adierazteko.
REsoemploi Enpresaburu elkarte baten webgunea da, euren jatetxeetan dauden lan eskaintzak argitaratzen dituena.
Synhorcat Frantziako ostalari eta jatetxe jabeen sindikatuaren webgunea da. Bazkideen lan eskaintzetarako atal bat du.

Alemania

Zav
MeineStellenBörse Alemaniako gastronomiaren sektorea.

Espainia

Espainian jatetxeen eta bestelako turismo jardueren sektoreko eskaintzak aurki daitezke. Kontuan hartu ezinbestekoa dela hainbat hizkuntzatan maila ona izatea. Batzuetan, honelako eskaintzak SEPEren webgunean argitaratzen dira, EURES Espainia atalean.

Espainiako enplegu atarian Espainiako enplegu atarian orotariko eskaintzak aurki daitezke, sektore honetakoak ere bai.

Gogora ezazu hotel kate, entretenimendu enpresa edo zerbitzuen sektoreko enpresa handi gehienek langileen hautaketarako atal berezia izaten dutela beren webguneetan.

Gogora ezazu aldi baterako laneko enpresa (ABLE) eta langileen hautaketa agentzia nagusiak herrialde guztietan egoten direla. Bilaketa egiteko, izena eta herrialdearen domeinua idatzi beharko dituzu, esaterako: adecco.it (Italia), manpower.fr (Frantzia), randstad.be (Belgika), michaelpage.ie (Irlanda).

Europako beste herrialde batzuk

Caterer Ostalaritzaren sektoreko eskaintzak hainbat herrialdetan.
Leisurejobs Europako aisialdiaren sektoreko eskaintzen webgunea.
Free-job Lan eskaintzak Suitzan.
Jobindex Ikasle eta graduatuei zuzendutako eskaintzak Danimarkan.
KellyServices Europako herrialde guztietan aurki daitekeen plataforma.
HOSCO Ofertas, orientación, recursos en hosteleria.

Sorosle moduan lan egitea

Uretako instalazioetan, uretako kirol-jardueretan eta espazio natural nautikoetan (itsasoko hondartzak, ibai-hondartzak, lakuak eta urtegiak) sorospena emateak erabiltzaileen segurtasuna zaintzea du helburu.

Behar diren prebentzio- eta erreskate-neurriak ezarri behar ditu, eta eraginkortasunez esku hartu istripu edo larrialdi-egoera baten aurrean.

Lanbide Heziketako modulu-katalogoa. Lanbide-arloa:

Gorputz- eta kirol-jarduerak (AFD)

Uretako instalazioetako sorospena (2. mailako prestakuntza, AFDP0109, 370 ordu).
Sorospena espazio urtar naturaletan (2. mailako prestakuntza, AFDP209, 420 ordu).
Sorospen-zerbitzuak koordinatzea uretako instalazio eta espazio naturaletan (3. mailako prestakuntza, AFDP0211, 660 ordu).
Uretako sorospenerako itsasontziak eta itsas motoak gobernatzea (2. mailako prestakuntza, MAPN0212, 440 ordu).
Pistak balizatzea, seinaleak jartzea eta sorospena ematea eskiatzeko guneetan (2. mailako prestakuntza, AFDP0111, 490 ordu).

Uretako sorosleen titulu batzuk baliokideak izan daitezke Salbamendu eta Sorospeneko Nazioarteko Federazioan. Baliokidetasun-taulak dokumentu honen amaieran daude.

Baliokidetasun hori aitortzeak ez du esan nahi ziurtagiriak beste herrialde batzuetan lan egiteko gaitzen duenik, eta herrialde bakoitzeko legeria kontsultatu beharko da.

Salbamendu eta Sorospeneko Espainiako Errege Federazioa.
Nazioarteko Sorospen Federazioa (International Life Saving Federation).
Salbamendu eta Sorospeneko Espainiako Federazioaren (RFESS) eta Nazioarteko Sorospen Federazioaren (ILS) prestakuntza-baliokidetzen taula.

Autonomia-erkidegoek beren erregistro-prozedurak dituzte sektore pribatuko toki-erakundeetan eta erakundeetan, aisialdiko eta denbora libreko zentroetan, turismoan eta kirolean lan egiteko.

Jolas parke batean lan egitea

Jolas parkeak aukera ona dira aldi baterako lana bilatzen ari bagara.

Parke hauek, urtero, pertsona ugari kontratatzen dituzte hainbat lanpostutarako (zerbitzariak, sukaldariak, sarrera saltzaileak, lorezainak, zurginak, margolariak, mantentze lanetarako langileak, ikuskizunetarako langileak, bulegoetarako langileak, dendariak, sorosleak eta abar), beraz, aldi baterako lana aurkitzeko aukera asko eskaintzen dizkigute.

Jolas parke batean lana aurkitzeko modurik onena parkeen webguneen bidez izaten da.

Jarraian aurkituko duzu jolas parke nagusien zerrenda, herrialdeka antolatua. Parke bakoitzaren webgunean aurkituko dituzu momentu horretan abian dituzten lan eskaintza guztiak.

Alemania

Belgika

Frantzia

Italia

Espainia

EURES sarearen kide ez diren herrialdeetan:

Erresuma Batua

Nekazaritzan lan egitea: fruta bilketa

Nekazaritzako aldi baterako lanak egiten dituzten pertsonei sasoiko langile esaten zaie. Hauen lana, funtsean, frutak eta barazkiak biltzean datza.

Sasoiko edozein jardueratan baldintza normaletan lan egiteko, onena da, bidaia egin aurretik, aurreko kanpainetatik ezagutzen duzun enplegatzaile baten edo beste langile baten bitartez edo beste bide batetik zurekin harremanetan jarri den enplegatzaile baten kontratua jaso izana.

Zenbait tokitan, esaterako, Frantziako eskualde jakinetan, zaila izan daiteke lan eskaintzak aurkitzea, mahats bilketaren mekanizazioa dela eta. Gainera, kontuan hartu behar da nekazaritzaren sektorean lan egiteko ez dela ezinbestekoa atzerriko hizkuntza ezagutzea, baina hizkuntza horren oinarrizko ezaguerak abantaila bat izango dira lana bilatzeko eta, behin helmugako herrialdean instalatuta egonda, erabat galduta ez sentitzeko.

Nekazaritzaren sektorean lan eskaintzak bilatzeko gako hitzak: Ingelesez: farm worker, agriculture worker, ranch hand, farm hand, field hand, harvest employee; Frantsesez: ouvrier agricole, emploi/travail agricole, vendangeur, cueilleur; Alemanez: landarbeiter/in, erntearbeiter/in; Nederlanderaz: landarbeider; Norvegieraz: gårdsarbeider

Frantzia

Frantzian, fruta bilketa maiatzetik irailera bitartean egiten da, eta abuztuaren amaieratik irailera bitartean mahats bilketaren kasuan. Kontuan hartu behar da lana egun gutxi baterako izan daitekeela, eskariaren arabera.

Frantziako fruta bilketan lana bilatzeko hainbat modu daude:

Zuzenki landetxeetara jotzea eta CVa uztea.
France Travail,Frantziako enplegu zerbitzua idaztea. Horretarako, idatzi frantsesez aurkitu nahi duzun lanpostuarekin lotutako gako hitza eta adierazi bilaketa esparrua (herrialde osoa: FRANCE, edo eremu jakin bat).
Frantzian sasoiko langileei lana aurkitzeko laguntza eskatzen duten erakundeen sare bat dago. «Maison des saisonniers» erakundeen direktorioa; sasoiko enpleguan espezializatutako erakundeak.

ANEFAren (Nekazaritzako Enplegu eta Prestakuntzarako Elkarte Nazionala) webgunea ere ezinbestekoa da. Atari honetan aurkituko duzu fruta eta barazki bilketari buruzko informazioa, bai eta urtero eguneratzen den Frantziako mahats bilketari buruzko gidaliburu bat ere.

Zenbait departamentutan “Livrets d’emploi saisonnieres” delakoak argitaratzen dira eta bertan aurki daitezke lan eta data jakinetarako langileak beharko dituzten enpresen harremanetarako helbideak eta/edo telefonoak:

Norvegia

Nekazaritzarako kontratazioa ia ez da egiten enplegu zerbitzu nazionalaren bitartez. Landetxeek euren kontratazio kanal propioak dituzte. Ez da gomendagarria Norvegiara lanik gabe joatea, han bizitzea oso garestia baita. Norvegiara lan bila joatea inbertsio ekonomiko garrantzitsua da.

Nekazaritzaren arloko lan aukerak nekazaritzan kualifikatutako langileentzat dira. Prestakuntza egokia izanez gero, aldiz, posible da urte osorako lana aurkitzea. Honela, lana aurki daiteke abeltzaintzaren sektorean, esne ekoizpenean eta landareen laborantzan.

Norvegiako enplegu zerbitzua

Norvegiako englegu zerbitzua

Herbehereak

Holandan nekazaritzako lan eskaintzak seasonalwork delakoan kontzentratzen dira guztiak.

Curriculuma ingelesez edo nederlanderaz prestatu beharko da eta webgunera igo. Webguneak ingelesez dagoen atal bat dauka, baina gehiena nederlanderaz dago.

Marrubiak eta zainzuriak biltzeko eskaintza ugari daude. Marrubi bilketaren denboraldia maiatzetik abuztura doa, zainzuriena, berriz, martxotik ekainera.

Suedia

Lana aurkitzeko modurik efizienteena da enpresarekin zuzenean harremanetan jartzea. Ez dago webgune espezializaturik. Lan poltsa orokorrak erabili behar dira:

Suediako enplegu zerbitzua
• EURES Europa ataria

Suitza

Ez da gomendagarria herrialdera lan kontraturik gabe joatea, eskaintza eskasa baita. Nekazaritzan, denboraldia laburra da: uztaila eta abuztua. Mahastizaintzan, lan hilabeteak iraila eta urria dira. Urriaren amaiera eta azaroaren hasiera patatak biltzeko garaia da.

Agri-job
Agrisano
EURES
Agriviva (nekazaritzako praktikak Suitzako landa eremuetan)

Eskaintzak edozein herrialdetan bilatzea

Zenbait webgunek eskaintzak edozein herrialdetan bilatzeko aukera ematen dute:

Frantzia

Emploi Webguneen eta banakako enplegu eskaintzen zerrenda.
Jobs-été Nagusiki gazteentzat.
Monjobalamontagne Batez ere turismoaren, ostalaritzaren eta merkataritzaren sektoreetako lanak mendiko eskualdeetan: Alpeak, Pirinioak…
Redfrancia Hainbat sektoretako eskaintzen bilduma: ostalaritza eta jatetxeak, gaztelaniazko hezkuntza, osasuna…
Saisonnier Sasoiko lanean espezializatua; enplegu eskaintzak eskuinaldean agertzen dira, kategoriaren eta probintziaren (“departement”) arabera.
Travail-saisonnier Sasoiko edo iraupen luzeagoko lan eskaintzak; hobe da inolako eskualderik ez hautatzea, bilaketa denbora aurreztuko baita.