Asolicitude de subsidio  de desemprego contén a declaración responsable  para que poidas comunicar todas as túas rendas e ingresos e, no seu caso, os da túa unidade familiar, obtidos durante o mes natural anterior á solicitude.

A declaración responsable é necesaria na solicitude de alta inicial, prórroga ou continuación do subsidio de desemprego para determinar se cumpres cos requisitos de carencia de rendas ou de responsabilidades familiares. 

Os teus datos serán contrastados cos que figuren nas declaracións tributarias, polo que, entre as túas obrigas como persoa solicitante e beneficiaria de prestacións por desemprego, deberás presentar a declaración do Imposto sobre a Renda das Persoas Físicas (IRPF).

Se ocultas rendas que, de terse en conta supuxesen a denegación da túa solicitude inicial, revogarase a prestación concedida e o importe indebidamente percibido reclamaráseche polo Servizo Público de Emprego Estatal (SEPE).

Se a ocultación das túas rendas produciuse nunha solicitude de continuación ou de prórroga do subsidio, implicaría igualmente, que o importe indebidamente percibido reclamaráseche e os días cobrados de prestación serán considerados como consumidos polo SEPE, sen prexuízo de que teñas dereito a outras prórrogas ou continuacións posteriores.