2020

A opción de vivir e traballar noutro país vén xeneralizándose entre os europeos de todas as idades. Cada vez máis persoas recoñecen as vantaxes de adquirir experiencia profesional desta forma, pois traballar no estranxeiro durante algún tempo pode aumentar enormemente os niveis de capacitación e as posibilidades de atopar un traballo mellor ao retornar ao propio país.

O principio de libre circulación dos traballadores na Unión Europea considérase un dos dereitos máis importantes dos cidadáns comunitarios. Para facilitar a libre circulación de traballadores, os Servizos Públicos de Emprego do EEE dispoñen dunha rede de cooperación: EURES (European Employment Services), que  proporciona de maneira gratuíta información sobre ofertas de emprego, situación do mercado de traballo e condicións de vida noutros países.

Se estás interesado en traballar en Europa, sexa cal for a duración da túa estancia, neste desplegable podes atopar un resumo dos principais factores a ter en conta antes de saír do noso país en canto a documentación oficial (DNI, pasaporte, cartón sanitario, permiso de conducir, validación de títulos, etc.) e a situacións especiais (inscrición como demandante de emprego, percepción de prestacións ou subsidios por desemprego), así como outras recomendacións útiles (currículo, carta de presentación, conta bancaria, etc.).

Para unha mellor lectura en pantalla ou para que poida ser impreso nun papel tipo A , 4 tes tamén unha folla informativa co mesmo contido.